Elordada kórý jáne sóıleý qabiletinen aırylǵan balalarǵa arnalǵan balabaqsha ashyldy
«Búgingi kúni elordada erekshe kútimdi talap etetin balalar úshin jaǵdaı jasaǵan mektepke deıingi uıymdardyń úlesi 66,3% -dy quraıdy nemese 63 balabaqsha. Sonymen qatar 3 arnaıy balabaqsha jáne 26 balabaqshada túrli aýytqýlary bar balalarǵa arnalǵan 45-ten astam top jumys isteıdi. Onda estý, sóıleý, aqyl-oı kemistigi bar, psıhıkalyq damýy tejelgen, Daýn sındromy bar, tirek-qımyl apparaty buzylǵan, aýtıstik spektri buzylǵan 1221 bala tárbıelenýde. Odan bólek, 45 balabaqshada 300-den astam balany qamtıtyn ınklıýzıvti bilim berý toptary jumys isteıdi. Qala boıynsha 13 balabaqsha men 6 shaǵyn ortalyqta psıhologııalyq-pedagogıkalyq túzetý kabınetteri ashylǵan, sonyń nátıjesinde 275 bala tıisti maman kómegimen qamtylyp otyr», - dedi Shákárim Seısenbaı Nur-Sultan qalalyq máslıhatynyń jalpy otyrysynda.
Sondaı-aq, basqarma basshysy elordanyń birneshe balabaqshasynda qolǵa alynǵan jańa pılottyq joba týraly aıtty.
«Búginde qalalyq № 34, № 89 balabaqsha bazasynda «Árbir bala mektepke laıyq» atty pılottyq jobasy bastaldy. Ázirge onda 10 bala qamtylyp otyr. Sol sekildi bıyl 25 balabaqshada 86 balany qamtıtyn erekshe kútimdi talap etetin (estý, sóıleý, ıntellekt, psıhıkalyq damýy tejelgen, RAS jáne t.b.) balalarǵa arnalǵan qosymsha ınklıýzıvti toptar quryldy. Jáne de kórý jáne sóılek qabileti buzylǵan 90 orynǵa arnalǵan arnaıy balabaqsha ashyldy. Jalpy, 2025 jyldyń sońyna deıin barlyq balabaqshada ınklıýzıvti toptaryndaǵy erekshe bilim berilýine qajettiligi bar balalarǵa jaǵdaı jasaý josparlanyp otyr», - deıdi ol.
Buǵan deıin elordalyq bilim basqarmasynyń basshysy balabaqshalarda vaýcherlik qarjylandyrý júıesiniń engiziletini týraly aıtyldy.
