Elordada koronovırýstan emdelip jatqandardyń jaǵdaıy qalaı
NUR-SULTAN. QazAqparat – Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova elordada koronavırýstan emdelip jatqandardyń jaǵdaıy týraly aıtty, dep habarlaıdy QazAqparat.
Koronavırýs ınfektsııasyna shaldyqqan adamdardyń arasynda beseýi turaqty aýyr jaǵdaıda, úsh naýqastyń ókpesi jasandy ventılıatsııalyq apparatqa qosylǵan.
Basqarma basshysy em-dom sharalary klınıkalyq hattamaǵa sáıkes júrgizilip jatqanyn atap ótti.
«Qalǵan emdelip jatqan adamdardyń densaýlyq jaǵdaıy qanaǵattanarlyq, emdeý sharalary jalǵasýda», - dedi S. Qısyqova.
Onyń sózine qaraǵanda, 4 sáýirdegi jaǵdaı boıynsha elordada ınfektsııalyq statsıonarlarda 862 adam jatyr, sonyń ishinde balalardyń sany — 44.
Qala boıynsha koronavırýs ınfektsııasynyń 202 oqıǵasy tirkeldi. Onyń ishinde 186 adam statsıonarda, 17 adam emdeldi, bir adam indetten qaıtys boldy.
