Elordada koronavırýstyń balalar arasynda taraýy 5,5 esege ósken
NUR-SULTAN. QazAqparat – Nur-Sultan qalasynda balalar arasynda koronavırýs indetiniń taraýy naýryz aıynan beri 5 esege artqan.
Bul týraly qalalyq sanıtarlyq-epıdemıologııalyq baqylaý departamentiniń basshysy Sarqyt Beısenova málim etti, dep habarlaıdy QazAqparat tilshisi.
«Shilde de koronavırýs dertine shaldyǵýdyń 38 046 jaǵdaıy tirkeldi. Sońǵy apta ishinde 9803 jáne sońǵy táýlik ishinde 1153 jaǵdaı tirkelip otyr. Sońǵy ýaqytta klınıkalyq belgileri bar syrqattanýshylar sanynyń óskeni baıqalady, búginde olar 83 paıyzdy qurap otyr», - dedi Sarqyt Beısenova OKQ-de onlaın ótken baspasóz máslıhatynda.
Sondaı-aq, maman elorda boıynsha aýrýǵa shaldyqqandardyń jas ereksheligin paıyzben kórsetti.
«18-29 jas - 16,4 %, 30-39 jas- 22,2 %, 40-59 jas – 28,4 %, 60 jáne odan joǵary jastaǵylar 13%-dy quraıdy. Sonymen qatar balalardyń úlesi 16,7 % jáne 3,3 % jasóspirim. 14 jasqa deıingi balalar arasynda vırýs juqtyrýǵa qatysty taldaý nátıjesi naýryz aıynan beri elordada balalar arasynda koronavırýs juqtyrýdyń 5,5 esege óskenin kórsetip otyr. ıAǵnı naýryz aıynda balalar arasynda 1106 jaǵdaı tirkelse, shilde de 6058 jaǵdaı tirkelip otyr jáne vırýs juqtyrý barlyq jastaǵy balalar arasynda bar. Aýrýhanada em alyp jatqan balalar 1,9 %-dy qurap otyr», - deıdi ol.
Buǵan deıin elordada koronavırýspen kúresip jatqan 7 balanyń jaǵdaıy aýyr ekenin habarlaǵan bolatynbyz.
