Elordada koronavırýsty anyqtaıtyn 24 zerthana bar
NUR-SULTAN. QazAqaparat – 2 qazannan bastap elordaǵa 716 reıspen 101 953 adam keldi. Bul týraly Ortalyq kommýnıkatsııalar qyzmetinde ótken brıfıngide aıtyldy, dep habarlaıdy QazAqparat tilshisi.
«Qalada KVI dıagnostıkasy boıynsha táýliktik qýattylyǵy 12 myńnan astam zertteýdi quraıtyn 24 zerthana jumys isteıdi. Jyl basynan beri barlyǵy 335 138 zertteý júrgizildi, sonyń 13903-i oń nátıje kórsetti. Onyń ishinde qaıtalanatyn jáne baqylaý synaqtary da bar», - deıdi Sanıtarlyq-epıdemıologııalyq baqylaý departamentiniń basshysy, Nur-Sultan qalasynyń bas sanıtarlyq dárigeri Sarhat Beısenova.
Onyń aıtýynsha, 2 qazannan bastap elordaǵa 716 reıspen 101 953 adam keldi.
«Onyń 84 410-ynda teris PTR nátıjesi bar anyqtama bolsa, 17 543 adam karantındik statsıonarǵa jatqyzyldy jáne tekserildi, 74-inde oń nátıjde kórsetti. Sońǵy táýlik ishinde elordaǵa kelgen 4 reıstegi 747 adam teris PTR nátıjesi bar anyqtamamen keldi», - deıdi ol.
