Elordada koronavırýspen kúreske tartylǵan polıtseıler qonaqúılerge ornalastyryldy
NUR-SULTAN. QazAqparat – Elordadaǵy keıbir qonaqúıler polıtseılerdi ornalastyrýǵa bólindi. Bul týraly Nur-Sultan qalasy ákiminiń orynbasary Baqtııar Máken málim etti, dep habarlaıdy QazAqparat tilshisi.
«Nur-Sultan qalasynda qaýipsizdikti qamtamasyz etý jáne koronovırýspen kúres sharalaryna jumyldyrylǵan dárigerler men polıtseılerge jaǵdaı jasaý maqsatynda olar qonaqúılerge ornalastyryldy», - dedi B. Máken Ortalyq kommýnıkatsııalar qyzetinde.
«Buǵan deıin dárigerler qonaqúılermen qamtamasyz etilgen edi. Sonymen qatar, blokpostarda jáne basqa da nysandardaǵy polıtseılerge qosymsha oryndar bólindi», - dedi ákimniń orynbasary.
Budan buryn habarlanǵandaı, qazirgi tańda qalada koronavırýs ınfektsııasynyń 433 jaǵdaıy tirkeldi. 255 naýqas statsıonarlarda jatyr, 207 adam emdelip shyqty, úıde karantınde 2 396 adam bar.
9 sáýirden bastap jappaı ekspress-testileý júrgizý bastaldy, ony 12 752 adam tapsyrdy.
