Elordada koronavırýspen aýyrǵandar sany ósip jatyr
«Búgingi tańda KVI ınfektsııalyq statsıonarlarynda bizde 425 patsıent emdelýde. Tósek júktemesi 70 paıyzdan asady. Jansaqtaý bóliminde jatqan naýqastar sany da artýda. Reanımatsııalyq tósekterdiń júktemesi 32,5 pazy. ÓJJ apparatyna qosylǵan 6 patsıent ómir úshin kúresýde», - qalalyq densaýlyq saqtaý basqarmasynyń basshysy Tımýr Muratov.
Nur-Sultanda KVI-men kúresý úshin kovıdtik ortalyqtarǵa 7 qalalyq statsıonar jumyldyryldy.
«Bul jaǵdaı epıdemıologııalyq jaǵdaıdyń jaqsy emes ekenin, eger siz sanıtarlyq normalardy eskermeseńiz, koronavırýspen aýyrýdyń úlken qaýpi bar ekenin kórsetedi. Eldegi epıdemıologııalyq jaǵdaıdyń nasharlaýyna jáne TJ rejımine baılanysty biz, dárigerler retinde, sizderden adamdar kóp jınalatyn jerlerge barýdan bas tartýdy, bir-birińizge qonaqqa barmaýdy suraımyz. Munyń bári epıdemıologııalyq jaǵdaıǵa oń áser etýi múmkin. Qazir búkil halyqtyń ál-aýqaty men densaýlyǵy týraly oılaý mańyzdy!»,- dedi qalanyń bas dárigeri.