Elordada koronavırýspen aýyrǵan áıelder úlesi joǵary
«Nur-Sultan qalasynda 13 naýryz ben 14 qazan aralyǵynda COVID-19-dyń 14 234 jaǵdaıy tirkeldi. Jas qurylymy boıynsha COVID-19 juqtyrǵan 40-tan 65 jasqa deıingi adamdar sanynyń ósýi baıqalady. Qazirgi ýaqytta koronavırýs aýrýy jaǵdaılaryn tirkeý jalǵasýda. Táýligine 3-ten 20-ǵa deıin jaǵdaı tirkeledi. Ersekter arasynda da, mektep jasyndaǵy balalar arasynda da tirkelý bar. Sońǵy 4 kúnde reprodýktıvtilik sany birden joǵary bolyp otyr. Bul qaladaǵy karantın sharalaryn jeńildetýge múmkindik bermeıdi. 9 aıdyń ishinde aýyrǵan áıelderdiń úlesi artyp, 53 paıyzǵa jetti», - dedi ol.
Osy oraıda departament basshysy COVID-19 vırýsynyń aldyn alý úshin 2020 jyldyń 13 qazanynda Nur-Sultan qalasynyń bas memlekettik sanıtarlyq dárigeriniń elordada shekteý sharalary men karantın tártibin kúsheıtý týraly №243 jańa qaýlysy shyqqanyn aıtty.
«Atalǵan qaýlyǵa sáıkes, bıznes-ortalyqtar jumys jáne demalys kúnderi saǵat 9:00-den 18:00-ge deıin qyzmet etedi. Demalys kúnderi olarda ornalasqan azyq-túlik emes taýarlar men zattar satatyn dúńgirshekterdiń (bólimderdiń) jumysyna tyıym salynady. Qoǵamdyq tamaqtandyrý obektileriniń jumysy ornalasqan jerine qaramastan saǵat 22:00-ge deıin belgilenedi», - dedi Zeken Ysqaqov.