Elordada koronavırýspen aýyrǵan 66 naýqas jansaqtaý bóliminde jatyr
NUR-SULTAN. QazAqaparat – Elordada koronavırýstyń órshýine baılanysty jansaqtaý bóliminde em qabyldap jatqan naýqastar sany artty. Bul týraly Ortalyq kommýnıkatsııalar qyzmetinde ótken brıfıngide aıtyldy, dep habarlaıdy QazAqparat tilshisi.
«Koronavırýstyń órshýine baılanysty jansaqtaý bóliminde em qabyldap jatqan naýqastar sany artty. Qazirgi ýaqytta bul bólimde 66 naýqas jatyr. Munyń bári sanıtarlyq normalardy saqtamaı, adamdar kóp shoǵyrlanǵan oryndarǵa baryp, karantın rejımin buzýdyń saldary», - deıdi Nur-Sultan qalasynyń Qoǵamdyq densaýlyq saqtaý basqarmasynyń basshysy Tımýr Muratov.
Onyń aıtýynsha, elordadaǵy juqpaly aýrýlar statsıonarlarynda dárigerler jumyla jumys isteýde.
«Qazirgi ýaqytta koronavırýspen kúresýge 3700-den astam medıtsına qyzmetkeri jumyldyryldy. Qajetti jaǵdaıda jumysqa tartylatyn kadrlyq rezerv te daıyndalyp qoıdy. Elordada koronavırýsty emdeıtin 11 statsıonar bar, onyń 10-y — juqpaly aýrýlar statsıonary», - deıdi ol.
