Elordada koronavırýsqa taldaý jasaıtyn qansha zerthana bar
NUR-SULTAN. QazAqparat - Nur-Sultan qalasynyń Qoǵamdyq densaýlyq saqtaý basqarmasynyń basshysy Tımýr Muratov koronavırýs ınfektsııasyn anyqtaıtyn zerthanalar týraly aıtty, dep habarlaıdy QazAqparat.
«Qalada koronavırýstyq ınfektsııaǵa arnalǵan bıomaterıaldardy taldaýdyń 13 zerthanasy bar. Zerthanalardyń jalpy qýattylyǵy táýligine 7 myń synaqqa deıin jetedi. Oǵan qosa, 100 myńǵa jýyq reagent bar. Qazirgi kezde 9 ızotermııalyq zerthanalyq keshen satyp alý sharalary júrgizilýde. Bul keshenniń ereksheligi – ol PTR taldaýdy bir saǵattyń ishinde daıyndap beredi», - dedi T. Muratov baspasóz máslıhatynda.
Onyń sózine qaraǵanda, Nur-Sultan qalasynyń ákimdigi men Qoǵamdyq densaýlyq saqtaý basqarmasy kúzgi-qysqy kezeńge daıyndyq jumystaryn júrgizýde. COVID-19 ınfektsııasynyń kúzgi-qysqy kezeńinde aldyn alý jáne emdeý boıynsha is-sharalar jospary bekitildi.
Sonymen qatar ol aýrýhanalar ókpeni jasandy jeldetý apparaty qurylǵylarymen tolyqtaı qamtylǵanyn (434 apparat) aıtty.
