Elordada koronavırýsqa 29 myńnan astam ekspress-test júrgizildi
NUR-SULTAN. QazAqparat – Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova elordada ınfektsııany anyqtaýǵa arnalǵan zertteýler týraly aıtty, dep habarlaıdy QazAqparat tilshisi.
«Koronavırýs ınfektsııasyn juqtyrǵandardy anyqtaý boıynsha sharalar jalǵasýda. Qazirgi kezde PTR tásilimen 69 myńnan astam zerthanalyq zertteý júrgizildi. Qalada bes vırýsologııalyq zerthana jumys isteýde, olar táýligine 3,2 myń zertteý júrgizýge qaýqarly. 29 443 ekspress-test júrgizildi», - dedi S. Qısyqova onlaın baspasóz máslıhatynda.
Aıta keteıik, 15 mamyrdaǵy jaǵdaı boıynsha elordada koronavırýs ınfektsııasyn juqtyrǵan 1 173 adam anyqtaldy. Onyń ishinde 588 adam nemese 44 paıyzy emdeldi. Jaǵdaıdyń aýyrlyǵyna qaraı: tórt paıyzy aýyr, 17 paıyzy ortasha, 79 paıyzy jeńil dárejede.
Budan buryn habarlanǵandaı, Nur-Sultan qalalyq qoǵamdyq densaýlyq saqtaý basqarmasynyń basshysy koronavırýs ınfektsııasynan qaıtys bolǵan eki adam týraly aqparat berdi.
