Elordada koronavırýs juqtyrýshylardyń sany táýligine 620 adamǵa jetti
NUR-SULTAN. QazAqparat – Elordada koronavırýs juqtyrýshylardyń sany táýligine 620 adamǵa jetti. Bul týraly Nur-Sultan qalasynyń bas memlekettik sanıtarlyq dárigeri Sarhat Beısenova aıtty, dep habarlaıdy QazAqparat tilshisi.
«Elordada COVID-19 boıynsha epıdemıologııalyq jaǵdaı qolaısyz bolyp qalýda. Qala áli de «qyzyl aımaqta» tur. 11 maýsymnan bastap qalada koronavırýs juqtyrý jaǵdaılarynyń ósýi baıqalady. Sońǵy aptada kúnine jaǵdaılardyń sany 350-den 620-ǵa deıin ósti. Sáıkesinshe aptalyq qarqyndy kórsetkish 2,8 ese artty. Sońǵy aptadaǵy aýrý deńgeıi aldyńǵy aptamen salystyrǵanda 65 paıyzǵa ulǵaıdy. Aptalyq qarqyndy syrqattanýshylyq kórsetkishi - 298,2. Reprodýktıvti sany-1,315», - dedi ol.
Onyń atap ótýinshe, jyldyń basynan beri qala boıynsha syrqattanǵandardyń sany 45 myńnan asqan.
«Pandemııa bastalǵannan beri 63 968 jaǵdaı tirkelgen Onyń ishinde 43 866-sy sımptomdy jáne 20 102-si sımptomsyz», - dedi Sarhat Beısenova.
