Elordada koronavırýs juqtyrǵandar kúnine 150-den 280-ge deıin tirkeledi – Sarhat Beısenova
NUR-SULTAN. QazAqparat – Nur-Sultan qalasynyń bas memlekettik sanıtar dárigeri Sarhat Beısenova elordadaǵy KVI juqtyrý statıstıkasyn jarııalady, dep habarlaıdy QazAqparat tilshisi.
«Nur-Sultan qalasyndaǵy COVІD-19 ınfektsııasy boıynsha epıdemıologııalyq jaǵdaı turaqsyz bolyp qalýda, epıdemıologııalyq jaǵdaıdy baǵalaý matrıtsasy boıynsha 17-shi kúni «qyzyl aımaqta» tur. Kúnine 150-den 280-ge deıin jaǵdaı tirkeledi. Sońǵy aptada syrqattanýshylyq deńgeıi aldyńǵy aptamen salystyrǵanda birdeı deńgeıde, 100 myń turǵynǵa shaqqandaǵy qarqyndy kórsetkish - 121,1 -di qurady. Reprodýktıvti sany - 0,92», - dep túsindirdi S. Beısenova elorda ákimdiginde ótken onlaın brıfıngte.
Jyl basynan beri elordada syrqattanǵandar sany 10 myńnan asty, pandemııa bastalǵaly – 28 941 jaǵdaı tirkeldi (18 403 - sımptomdy jáne 10 528 - sımptomsyz).
«Osy merekelik aptada naýqastarmen baılanysta bolǵandar sany 10%-ǵa ósti, ıaǵnı 500-den 735 adamǵa deıin, bul qala turǵyndarynyń karantın talaptaryn, onyń ishinde úı karantıni rejımin saqtamaǵanyn kórsetedi. Sonymen qatar, ótken aptamen salystyrǵanda balalar arasynda aýrýdyń 1,6 esege, ıaǵnı 210-nan 339-ǵa deıin ósýi baıqalady», - dep atap ótti spıker.
Qazirgi ýaqytta belsendi oshaqtar sany – 1517, onyń ishinde: úı – 987, uıymdastyrylǵan – 538, onda 3 417 baılanysta bolǵan adam medıtsınalyq baqylaýǵa alyndy.
