Elordada koronavırýs juqtyrǵandar bir aptada 12 paıyzǵa ósti
Bul týraly Nur-Sultan qalasynyń bas memlekettik sanıtar dárigeriniń orynbasary Janna Pralıeva onlaın brıfıngide aıtty.
«Nur-Sultan qalasynda koronavırýstyq ınfektsııa boıynsha epıdemıologııalyq jaǵdaı turaqsyz bolyp tur. Jaǵdaıdy baǵalaý matrıtsasy boıynsha qalamyz 1 aı boıy qyzyl aımaqta tur. Kúnine 350-den 580-ge deıin jaǵdaı tirkeledi. Sońǵy aptada syrqattaný kórsetkishteri aldyńǵy aptanyń deńgeıinen 12 paıyzǵa joǵary. 100 myń turǵynǵa shaqqanda qarqyndy kórsetkish 250,8-di quraıdy, reprodýktıvtik san 1-den asady», - dedi maman.
Ol, sondaı-aq, syrqttaný kórsetkishi ásirese eresekterdiń arasynda kóp ekenine toqtaldy.
«Aǵymdaǵy jyldyń basynan beri qala boıynsha syrqattanǵandar sany 15 myńnan asty. Pandemııa bastalǵaly 34453 jaǵdaı tirkeldi. Onyń ishinde 22 254 sımptomdary bar jáne 12 199 sıptomsyz.
Sońǵy táýlikte 446 bastapqy jaǵdaı tirkeldi. Onyń ishinde sımptomdary bar 297 jaǵdaı, 149 sımptomsyz jaǵdaı. Jas qurylymy boıynsha syrqattanýdyń eń joǵary deńgeıgi eresekter arasynda tirkeledi. Olar jalpy syrqattanýshylyqtyń 80 paıyzyn quraıdy», - degen bas sanıtardyń orynbasary sońǵy aptada Nur-Sultan qalasy boıynsha egde jastaǵy syrqattanýshylardyń sany artqanyn málim etti.
«Syrqtataný kórsetkishinde balalardyń úlesi 17 paıyz jáne jasóspirimder 3 paıyzdy quraıdy. Sondaı-aq, eresekter arasynda 30-39 jas aralyǵyndaǵy adamdar ınfektsııaǵa óte sezimtal. Olar eresekterdiń jalpy syrqattaný qurylymynda 24 paıyzdy quraıdy. Sońǵy apta egde jastaǵy adamdardyń arasynda syrqattanýdyń 2 paıyzǵa ósýi baıqalady», - dedi Janna Pralıeva.
