Elordada koronavırýs juqtyrǵan jeti balanyń jaǵdaıy aýyr
NUR-SULTAN. QazAqparat – Nur-Sultan qalasynda 74 bala koronavırýstan emdelip jatyr, onyń ishinde 7 balanyń jaǵdaıy aýyr. Bul týraly Nur-Sultan qalasy Qoǵamdyq densaýlyq saqtaý basqarmasynyń basshysy Tımýr Muratov málim etti, dep habarlaıdy QazAqparat.
«Eresekterden bólek koronavırýs aýrýy balalardyń arasynda da kezedesedi. Qazirgi tańda elordada 74 bala statsıonarda em qabyldap jatyr, onyń ishinde 7 balanyń jaǵdaıy aýyr. Ótken táýlikte 12 bala aýrýhanaǵa tústi. Odan bólek, 834 bala ambýlatorly túrde em alyp jatyr», - dedi Tımýr Muratov OKQ-de onlaın ótken baspasóz máslıhatynda.
Basqarma basshysynyń málimetinshe, elordada jyl basynan beri koronavırýspen 10 myńnan astam bala aýyryp shyqty.
«Ásirese vırýsty juqtyrýshylar jaz mezgilinde ósip otyr. Maýsym aıynan bastap balalar vırýstyń aıqyn klınıkalyq belgilerimen túse bastady. Bul ýlaný, qaltyraý, dene qyzýynyń kóterilýi, kataraldy kórinister de bolýy múmkin. Balalardyń otbasyndaǵy ekpe almaǵan adamdarmen baılanystan soń aýyra bastaǵandyǵyn atap ótkim keledi. ıAǵnı vaktsına almaǵan azamattar vırýsty óz balalary men jaqyndaryna juqtyrady», - deıdi ol.
Buǵan deıin T. Muratov Nur-Sultan qalasynda bir táýliktiń ishinde jádel járdem qyzmetine 3300-den astam qońyraý túsip, mobıldi brıgadalar kúnine 2 myńnan astam shaqyrtýǵa barǵanyn aıtty.
