Elordada koronavırýs juqtyrǵan 7 adamnyń beseýi emdelip shyqty
NUR-SULTAN. QazAqparat – Qazaqstanda COVID-2019 aýrýyn jeńil kóteretinder úıinde emdelý tártibine kóshirile me? Bul suraq Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova jaýap berdi, dep habarlaıdy QazAqparat tilshisi.
«Búgingi kúni bizdiń elde qalyptasqan epıdemıologııalyq jaǵdaıǵa baılanysty jáne koronavırýs ınfektsııasyn juqtyrǵan adamdardy emdeý hattamasyna sáıkes indetti juqtyrǵan azamattardy biz aýrýhanaǵa jatqyzamyz. Sebebi adamnyń vırýsty juqtyrǵany laborotorııalyq turǵyda rastalsa naýqas emhanada em alady. Epedemııanyń kezeńine baılanysty bálkim bul emdeý ádisi alda qaralýy múmkin. Alaıda qazir biz vırýsty juqtyrǵandardyń bárin emhanada emdeımiz», - dedi basqarma basshysy onlaın brıfıngte.
Onyń aıtýynsha Nur-Sultan qalasynda osy ýaqytqa deıin 7 shetel azamaty koronavırýs juqtyrǵan. Onyń beseýi emdelip, emhanadan shyǵarylǵan. Qazir ekeýi emdelip jatyr.
