Elordada koronavırýs juqtyrǵan 5 naýqastyń jaǵdaıy aýyr - Sáýle Qısyqova
NUR-SULTAN. QazAqparat - Elorda koronavırýs juqtyrǵan 5 naýqastyń jaǵdaıy aýyr. Bul týraly Ortalyq kommýnıkatsııalar qyzmetindegi brıfıngte Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova aıtty, dep habarlaıdy QazAqparat tilshisi.
«Elordamyzda vırýsty juqtyrǵandardyń sany 222-ge jetti. Onyń ishinde 46 paıyzy er, 54 paıyzy áıel adamdar jáne 43 paıyzy 30-49 jasqa deıingi azamattar, 27 paıyzy 18-29 jasqa deıingiler, 17 paıyzy 50-59 jastaǵylar, 9 paıyzy 60-69 aralyǵyndaǵy azamattar, 1 paıyzy 70 jáne odan joǵary jastaǵylar, 3 paıyzy 18-ge tolmaǵan balalar»,- dedi ol.
Basqarma basshysynyń dereginshe, jalpy jazylyp shyqqandardyń sany 28 adamǵa nemese 13 paıyzǵa jetti. Qazirgi ýaqytta aýrýhanalarda 493 naýqas em alyp jatsa, onyń 203-i koronavırýstan emalý ústinde.
«Onyń ishinde 10 naýqas - Aqmola oblysynyń turǵyny. Sonymen qatar 5 naýqastyń jaǵdaıy aýyr halde. Úsheýi jasandy ókpe jeldetý apparatyna qosylǵan. Bekitilgen hattamaǵa sáıkes tıisti em júrgizilip jatyr. Basqa naýqastardyń jaǵdaıy qalypty. Nur-Sultan qalasynda 28 qańtardan bastap 6 315 adam baqylaýdan jáne emdeýden ótti. Onyń 202-si - 18-ge tolmaǵan balalar», - dedi Sáýle Qısyqova.
