Elordada kórnekti ǵalym N. Sháıkenovti eske alýǵa arnalǵan ǵylymı-tájirıbelik konferentsııa ótýde

dep habarlaıdy QazAqparat.

Oǵan elimizdiń jáne birqatar TMD-ǵa múshe elderdiń zańgerleri, ǵalymdary keldi. Sonymen qatar marqumnyń otbasy, áriptesteri, QR Parlamentiniń depýtattary qatysýda.

Konferentsııada ǵalymnyń mol murasy, onyń eńbekteri men pýblıtsıstıkalyq shyǵarmalary zerdelenetin bolady.

N. Sháıkenov táýelsiz Qazaqstannyń jańa zańnamalyq tuǵyrnamasynyń qalyptasýyna, sot júıesin reformalaýǵa zor úles qosqan tulǵa. Zań ǵylymdarynyń doktory, professor N. Sháıkenov Sverdlov zań ınstıtýtyn úzdik bitirip, sonda qyzmet istep júrgen kezinde Elbasynyń shaqyrýymen Qazaqstanǵa kelgen edi. Qazaqstan Prezıdenti janyndaǵy ekonomıkalyq keńestiń quramynda, keıin Elbasynyń keńesshisi qyzmetterinde istedi. Al 1993 jyly QR Ádilet mınıstri laýazymyna taǵaıyndaldy.

«Ol Qazaqstannyń jańa qoǵamdyq qarym-qatynasyn, jańa menshik túrlerin, zańdyq jáne jeke tulǵalardyń jańa quqyqtaryn aıqyndaıtyn Azamattyq Kodeksti ázirleýge jáne ony alǵa jyljytýǵa belsendi qatysty. N. Sháıkenov eldiń 1995 jylǵy Ata Zańyn ázirleýge atsalysty», dedi Qazaq gýmanıtarlyq-zań ýnıversıtetiniń prezıdenti Maqsut Nárikbaev.

QR Premer-Mınıstriniń orynbasary qyzmetinde N. Sháıkenov ІІM, Ádilet mınıstrligi jáne sot reformalaryn jasaýǵa jáne quqyqtyq saıasat salasynda úlken eńbek atqardy. 1999 jyly Qazaqstan zańnamasynyń damýyna qosqan onyń úlesi elenip, «Parasat» ordenimen marapattaldy. 1996 jyly Qazaq gýmanıtarlyq-zań ýnıversıtetiniń basshylyǵyn qolǵa alyp, saıasat minberinen ǵylymı jolǵa túsedi. «N. Sháıkenovtiń tanymaldylyǵy, qaıtalanbas beınesi arqyly - ýnıversıtet Qazaqstannyń belgili joǵary oqý ornyna aınaldy. Mundaǵy qalyptasqan ýnıversıtettik dástúrler áli kúnge deıin jalǵasyn taýyp keledi», deıdi M. Nárikbaev.

Qazir bul joǵary oqý ornynda ǵalym N. Sháıkenovtiń atyndaǵy shákirtaqy beriledi. M. Nárikbaevtyń aıtýynsha, oqý ornynda zańger-ǵalymnyń zerthanasyn ashý josparlanýda.