Elordada kórkem gımnastıkadan jazǵy respýblıkalyq spartakıada ótedi
ASTANA. QazAqparat – 16-19 mamyr kúnderi Astanada kórkem gımnastıkadan Qazaqstan Respýblıkasynyń VI jazǵy spartakıadasy ótedi. QazAqparat bul týraly qala ákimdigi saıtyna silteme jasap habarlaıdy.
Týrnırge elimizdiń barlyq óńirinen 60-tan astam sportshy qatysady.
Toptyq jattyǵýlardaǵy jarysqa 2008 jyly týǵan bir gımnastan ǵana jiberiledi. Spartakıadaǵa Qazaqstan qurama komandalarynyń kóshbasshylary, sonyń ishinde Aıbota Ersaıqyzy, Eljan Tanıev, Erik Jaılaýov, Mılan Parfılova qatysady.
Kópsaıys fınalyna jeke baǵdarlamada eń joǵary nátıje kórsetken komandalar quramynan 15 sportshy jiberiledi. Kópsaıys fınalynyń jeńimpazy eń joǵary ball somasy boıynsha anyqtalady.
Jeke baǵdarlamada kópsaıystyń jekelegen túrlerinde fınalǵa kópsaıystyń árbir túrinde eń joǵary nátıje kórsetken komandalar quramynan 8 sportshy jiberiledi. Al toptyq jattyǵýlardaǵy kópsaıysqa – biliktiligi joǵary aımaqtan bir komanda.
Týrnırdiń resmı ashylýy 17 mamyr kúni saǵat 12:00-de Qazaqstan sport kesheniniń jeńilatletıka manejinde ótedi.
Jarys uıymdastyrýshylary – QR Mádenıet jáne sport mınıstrliginiń Sport jáne dene shynyqtyrý isteri komıteti jáne Astana ákimdigi.
