Elordada kórermender úshin sport aptalyǵy ótti
ASTANA. QazAqparat - Astana qalasyndaǵy Mega ortalyǵynda Astana qalasynyń sport basqarmasy men «Jiger» sport klýbynyń muryndyq bolýymen sport merekesi uıymdastyryldy, dep habarlaıdy QazAqparat.
Sport aptalyǵy sheńberindegi sharada birneshe sport túri boıynsha, atap aıtsaq ulttyq oıyn - asyq atý, aýyr atletıka, gir tasyn kóterý, qol kúresi, karate, taekvondo boıynsha kóreremender arasynda jarys ótkizildi.
Atalǵan sharanyń negizgi maqsaty - halyq arasynda salaýatty ómir saltyn nasıhattaý, ulttyq sport túrlerin kópshilikke tanystyrý jáne jalpy adamdardyń sportqa degen qyzyǵýshylyǵyn arttyrý. Sportttyq saıystarǵa kórermender belsendi qatysyp, ózderiniń baǵy men babyn synady. Sondaı-aq «Jiger» sport klýbynyń beldi sportshylarynyń sheberlik synyptary da ótkizildi.
