Elordada Qordaı men Sátbaev kósheleriniń arasyndaǵy jol úsh aıdan astam ýaqytqa jabylady

ASTANA. KAZINFORM — Astananyń Almaty aýdanynda 19 qarashadan 2027 jylǵy qańtardyń sońyna deıin kólik qozǵalysyna ishinara shekteý qoıylady. Buǵan Qordaı men Qanysh Sátbaev kósheleriniń arasyndaǵy ınjenerlik jelilerdi tartý jumystary sebep. Bul týraly Astana qalasynyń ákimdigi habarlady.

Elordada Qordaı men Sátbaev kósheleriniń arasyndaǵy jol úsh aıdan astam ýaqytqa jabylady
Foto: Astana qalasynyń ákimdigi

Osyǵan baılanysty atalǵan ýchaskede kólik qozǵalysyna ishinara shekteý qoıylady.

Júrgizýshiler men jaıaý júrginshilerden jol júrý baǵyttaryn aldyn ala josparlap, qozǵalysty uıymdastyrýdaǵy ýaqytsha ózgeristerdi eskerý suralady.

Aıta keteıik, 7 qarashadan bastap Astanada avtobýs jolaǵyn paıdalaný tártibi ózgerdi.

Sondaı-aq elordada Almaty kóshesinde kólik tonneliniń qurylysy jalǵasyp jatqanyn jazdyq. Atalǵan ýchaskede kólik qozǵalysyn 2027 jyldyń sońyna deıin ashý josparlanyp otyr. Kólik tonneli Máńgilik El dańǵylynan Saýran kóshesine deıingi aralyqty jalǵamaq. Búginde aýmaqta ınjenerlik jelilerdi kóshirý, aýmaqty daıyndaý jáne burǵylanǵan qadalardy ornatý jumystary júrgizilip jatyr.

Sondaı-aq Astanada Qordaı men Aınakól kósheleriniń qıylysy ýaqytsha jabylatynyn jazdyq.