Elordada kóppáterli úılerdegi 40 shaqty lıftini aýystyrý jumystary bastaldy
ASTANA. QazAqparat - Qalada lıftilerdi aýystyrý jumystary jalǵasýda, dep habarlaıdy elorda ákimdiginiń medıa ortalyǵy.
Lıftilerdi jóndeý jáne jańa lıftini ornatý jumystary Jırentaev kóshesindegi (14, 20/1, 22/2), Jumabaev dańǵylyndaǵy (1), Kúmisbekov kóshesindegi (6), Qajymuqan kóshesindegi (26, 28), Abylaıhan dańǵylyndaǵy (47,49) úılerde bastaldy. Jyl sońyna deıin atalǵan úılerde eski lıftini jańasyna aýystyrady, ol óńirlerdi damytý baǵdarlamasy boıynsha júzege asyrylyp jatyr.
Atalǵan úılerdiń turǵyndary memleketten kómek alyp, lıftilerdi aýystyrypty. Dál osylaı úıindegi lıftilerdi aýystyrýdy qalaıtyn qalalyqtar qujattardy «Órken qala» baǵdarlamasynyń operatory bolyp tabylatyn kompanııaǵa joldaýy qajet. Budan keıin kelisim jasalyp, merdiger tańdalady. Úrdis tolyǵymen turǵyndardyń baqylaýynda júzege asady. Kómek qaryz 15 jylǵa alynsa, ortasha eseppen ár páter (aýdanyna baılanysty) 2 myń teńgeden tóleıdi.
Jyl sońyna deıin atalmysh baǵdarlama boıynsha Astanada 63 lıft aýystyrylatyn bolady.
Budan bólek, qazirgi tańda elordadaǵy 5 turǵyn úıde 19 lıft paıdalanýǵa berildi (Dúkenuly kóshesi 38 («Shańyraq» TK, 8 lıft), Saryarqa kóshesi 41 («Mahabbat 1» TK, «Mahabbat 2» TK, 10 lıft), B. Momyshuly kóshesi 16 (4 lıft), Keńesary kóshesi 65 («Edem Palas» TK, 1 lıft). Qarasha aıynyń sońyna deıin «Mahabbat» TK-de taǵy da 4 lıft jumys istemek. Bul eń kóp degende 10-15 jyl buryn turǵyzylǵan úıler.
Merdigerler turǵyndardyń problemalaryn, kóptegen shaǵymdaryn, turǵyndarǵa tóngen qaýipti, kótergishterdiń apattyq jaǵdaıyn eskere otyryp, Astana ákimdigi lıftilerdi aýystyrý isine qoldaý kórsetti.
Esterińizge sala keteıik, osy jyldyń kókteminde Astana ákimi Áset Isekeshev qalanyń lıft sharýashylyqtarynyń barlyǵyn tekserip, bul baǵyttaǵy jumystardy retke keltirý boıynsha keshendi sharalardy qolǵa alýdy júktegen bolatyn.
Qazirgi tańda Astanada 6577 lıft tirkelgen. Olardyń 4879-y turǵyn úılerde, 1728-i ákimshilik ǵımarattarda ornalasqan.
