Elordada kóppáterli turǵyn úıler dezınfektsııalanyp jatyr
NUR-SULTAN. QazAqparat - Elorda ákimi Altaı Kólginovtyń tapsyrmasyna sáıkes kóppáterli turǵyn úılerdiń kireberisteri men jalpyǵa ortaq paıdalaný oryndary dezınfektsııalanyp jatyr, dep habarlaıdy QazAqparat ákimdikke silteme jasap.
Koronavırýs ınfektsııasynyń taralýyna jol bermeý maqsatynda kún saıyn turǵyn úıdiń kireberis, esik, lıfti, súıenish, tereze jaqtaýy jáne t. b. dezınfektsııalanady.
Qala ákimi Altaı Kólginov turǵyndardyń retsiz úıden shyqpaý kerek ekendigin, sondaı-aq turǵyndar barlyq qaýipsizdik sharalaryn ustanýy tıis ekendigin aıtty.
Qalanyń áleýmettik nysandarynda, áýejaıda, vokzaldarda, bazarlarda, saýda úılerinde, saýda oıyn-saýyq jáne adamdar kóp jınalatyn jerlerde sanıtarlyq-dezınfektsııalyq rejim kúsheıtildi.
Sonymen qatar avtobýstar men kommýnaldyq qyzmetterdiń mashınalary da dezınfektsııadan ótedi.
Elordada koronavırýstyq ınfektsııanyń taralýyna jol bermeý boıynsha sharalar qabyldandy: jedel shtab jumys istep jatyr. Koronavırýs ınfektsııasy jaǵdaıy anyqtalǵan kezdegi is-qımyl algorıtmi ázirlendi.
