Elordada kópqabatty úıdiń jertólesinde gaz jarylyp, 100 adam qaýipsiz jerge kóshirildi
ASTANA. 5 shilde. QazAqparat - Keshe saǵat 05.55-te Astana qalasynda Sh.Qudaıberdiuly kóshesiniń boıynda ornalasqan toǵyz qabatty úıdiń jertólesinde gaz-aýa qospasy jaryldy.
QR TJM-nan málim etkendeı, órt bolǵan joq. Soqqy tolqynymen 6 tereze men 4 esiktiń jaqtaýlary qıraty. Úıdiń mańynda turǵan 4 temir tulpar jartylaı zaqymdaldy. 100 adam qaýipsiz jerge shyǵaryldy.
Tótenshe oqıǵadan keıin ózin nashar sezingen 55 jastaǵy er adam «103» qyzmetine habarlasyp, ol medıtsınalyq kómekten keıin úıine qaıtaryldy. Tótenshe jaǵdaı saldaryn joıýǵa: QR TJM Astana qalalyq TJD órt sóndirý qyzmetiniń 18 mamany men 4 tehnıkasy, QR TJM «Ortalyq óńirlik aeromobıldi shuǵyl-qutqarý jasaǵy» MM 4 qyzmetkeri men bir tehnıkasy, QR TJM «Apattar medıtsınasy ortalyǵy» MM 3 mamany men bir tehnıkasy tartyldy.
