Elordada kópqabatty úıdiń terezesinen qoqys laqtyrǵan áıel aıyppul tóleıdi
ASTANA. QazAqparat - Elordada kópqabatty turǵyn úıdiń terezesinen qoqys laqtyrǵan áıel aıyppul tóleıdi, habarlaıdy QazAqparat tilshisi.
«Quqyqbuzýshylyq 8 qyrkúıek kúni Syǵanaq kóshesi boıyndaǵy turǵyn úı kesheninde boldy. Jergilikti polıtsııa qyzmetkerleri ony 54 jastaǵy áıeldiń jasaǵanyn anyqtady. Oǵan qatysty QR Ákimshilik quqyqbuzýshylyq týraly kodekstiń «Kishigirim buzaqylyq. Jalpy paıdalanatyn oryndy, saıabaqtardy, gúlzarlardy lastaý, onyń ishinde belgilengen jerlerge kommýnaldyq qaldyqtardy tastaý» 434 baby boıynsha ákimshilik hattama toltyryldy», - delingen Astana qalalyq ІІD baspasóz qyzmeti taratqan aqparatta.
Astana sotynyń sheshimimen áıelge 5 AEK (1 AEK 2405 teńgeni quraıdy) kóleminde aıyppul salyndy.
Illıýstratsııalyq foto
