Elordada kópqabatty úıden órt shyqty

ASTANA. QazAqparat – Elordada kópqabatty úıden shyqqan órtti sóndirý jumystary júrgizilip jatyr, dep habarlaıdy QazAqparat tilshisi.

Astana qalalyq tótenshe jaǵdaılar departamentiniń málimetinshe, búgin saǵat 17:39-da órt sóndirý bólimsheleri Máńgilik el kóshesinde kóppáterli turǵyn úıde órt shyqqany týraly habarlama boıynsha oqıǵa ornyna attanǵan.

«Órt sóndirýshiler oqıǵa ornyna 6 mınýttyń ishinde jetken kezde kópqabatty turǵyn úıdiń 7-qabatynda órt shyqqany anyqtaldy. Qazirgi kezde órt ornynda elordalyq tótenshe jaǵdaılar departamentiniń 23 mamany men 7 tehnıkasy jumys istep jatyr. Turǵyndardy qaýipsiz jerge shyǵarý jumystary júrgizilýde. Órt saǵat 18:05-te oqshaýlandy», - dep atap ótedi departamentten.

Vıdeodan alynǵan kadr