Elordada kópqabatty úı órtenip, eki adam zardap shekti
NUR-SULTAN. QazAqparat – Elordalyq órt sóndirýshiler kópqabatty turǵyn úıden 12 adamdy qutqaryp, 25 adamdy evakýatsııalady, dep habarlaıdy QazAqparat.
Qalalyq Tótenshe jaǵdaılar departamentinen málim etkendeı, 13 qyrkúıekte saǵat 07:30-da Nur-Sultan qalasy TJD Órt sóndirý bólimsheleri Buqarbaı batyr kóshesine shaqyrý boıynsha shyqqan.
Qutqarýshylar jetken kezde kópqabatty úıdiń kireberisinen qatty tútin shyǵyp jatqan. Sol sebepti turǵyndar dereý evakýatsııalana bastaǵan.
«25 adam, onyń ishinde 6 bala evakýatsııalandy, 12 adam, onyń ishinde 6 bala qutqaryldy. Qaza bolǵandar joq. Ýly gazdan ýlanǵan 81 jastaǵy áıel №1 qalalyq aýrýhanaǵa jáne 16 jastaǵy qyz №2 qalalyq balalar aýrýhanasyna jetkizildi», - dedi TJD-dan.
Órt as úıden shyqqan. Jalyn saǵat 07.49-da aýyzdyqtalǵan. Oqıǵanyń aldyn ala sebebi – otty abaısyz paıdalaný.
Osy rette, Nur-Sultan qalalyq TJD órt qaýipsizdigin saqtaý qajettigin eskertedi:
- úıden shyqqan kezde barlyq elektr jáne jylytý qurylǵylarynyń óshirilgenine kóz jetkizińiz;
- standartty emes, qoldan jasalǵan jáne aqaýy bar elektr jylytý quraldaryn qoldanbańyz;
- zaqymdalǵan rozetkalardy paıdalanbańyz;
- sirińkeler men ot tutandyrý quraldaryn balalardyń qoly jetpeıtin jerlerde saqtańyz, kishkentaı balalardy qaraýsyz qaldyrmańyz;
- úıde janǵysh suıyqtyqtar men jarylǵysh zattardy saqtamańyz;
- balkondar men lodjııalardy janǵysh materıaldarmen, eski jıhazdarmen toltyrmańyz;
- tósekte temeki shekpeńiz;
