Elordada kópirden shyqqan órtten eshkim zardap shekken joq
NUR-SULTAN. QazAqparat – Elordadaǵy «Arqar» kópirinen shyqqan órt sóndirildi, dep habarlaıdy QazAqparat tilshisi.
Qalalyq tótenshe jaǵdaılar departamentiniń málimetinshe, Saraıshyq kóshesi boıyndaǵy kópirdiń tirek baǵandaryndaǵy elektr kabeli 40 metr boıy janǵan.
«Oqıǵa ornynda elektr kabelderin toqtan ajyratý jumystaryn júrgizý úshin Astananyń aımaqtyq elektr jelisi kompanııasynyń qyzmeti shaqyryldy. Osydan keıin órt sóndirýshiler qyzyl jalyndy sóndirýge kiristi. Saǵat 17-54-de órt oqshaýlanyp, 18-05-te tolyǵymen sóndirildi. Zardap shekkender men qaza tapqandar joq», - dep atap ótedi vedomstvodan.
Buǵan deıin «Arqar» kópirinen órt shyqqanyn habarlaǵan edik.
