Elordada kópirden sekirmek bolǵan er adam qutqaryldy
Qalaly polıtsııa departamentiniń málimetinshe, búgin saǵat 7:22-de Jedel basqarý ortalyǵynyń «102» arnasyna Qabanbaı batyr dańǵylynda er adamnyń kópirden tómen sekirmek bolǵany týraly qońyraý kelip túsken. Elordalyq polıtseıler oqıǵa ornyna dereý jetken. Polıtsııa qyzmetkerleri atalǵan azamatty sózge tartpaq bolǵanymen ol barynsha qarsylyq kórsetip, múldem mámilege kelmegen. Sodan keıin polıtsııa aǵa leıtenanty Qaırat Qusnedenov er adamdy qatty ustap alyp, qaýipsiz jerge shyǵarǵan.
«Biz ekıpaj quramy oqıǵa ornyna dereý jettik. Sol kezde qorshaýdyń arǵy jaǵynda er adamnyń jylap, ózine eshkimdi jaqyndatpaı turǵanyn kórdik. Sanaýly sekýndtarda men er adamǵa jaqyndap, ony ustap aldym. Sol kezde áriptesterim de keldi. Er adamnyń qolymyzdan julqynyp shyǵyp ketpek bolǵanyna qaramastan, ony qaıtadan kópirge alyp shyqtyq. Mán-jaıdy anyqtaý úshin ony «Esil» aýdanynyń polıtsııa basqarmasyna jetkizdik», - deıdi Patrýldik polıtsııa polkiniń qyzmet ınspektory Qaırat Qusnedenov.
29 jastaǵy jigitti osyndaı áreketke ne ıtermelegeni anyqtalyp jatyr.
