Elordada kópbalaly otbasylarǵa jeńildik kólik kartasy beriledi
ASTANA. QazAqparat - 2018 jyly tórtinshi balany týýǵa birjolǵy járdemaqyny taǵaıyndaýǵa habarlasqandar jáne kópbalaly otbasy retinde arnaıy memlekettik járdemaqyny almaıtyn kópbalaly otbasylar, qalalyq qoǵamdyq kólikte tegin jol júrý úshin jeńildik beretin kólik kartasyn alýǵa quqyqtary bar, dep habarlaıdy elorda ákimdiginiń resmı saıty Astana qalasynyń Jumyspen qamtý jáne áleýmettik qorǵaý basqarmasyna silteme jasap.
Osyǵan oraı, joǵaryda kórsetilgen tulǵalardyń sanatyna Dostyq 13 mekenjaıynda ornalasqan basqarmanyń № 6 bólimine, 55-68-22, 55-68-34, 55-68-40 baılanys telefondaryna habarlasýy qajet.
Ózimen birge kelesi qujattardy ala kelýi qajet:
- ata-analardyń bireýiniń jeke kýáligi;
- barlyq balalarynyń týý týraly kýálikteri;
- barlyq otbasy múshelerine arnalǵan mekenjaı anyqtamasy.
