Elordada kópbalaly otbasylarǵa azyq-túlik sebeti úlestirilip jatyr
«19 naýryzda bastalyp ketken aktsııanyń qazir ekinshi kezeńi ótip jatyr. Birinshi kezeńde 5 myń adamǵa azyq-túlik sebetin taratsaq, endigi ýaqytta 6 myń adamdy qamtýdy josparlap otyrmyz. Qalalyq uıymdardyń jáne eriktilerdiń kómegimen úılerge azyq-túlik jetkizip beremiz», - dedi «Nur Otan» partııasynyń elordalyq fılıaly saıası jumystar bóliminiń meńgerýshisi Mádı Taıpın.
Onyń dereginshe, búgin volonterlerdiń kómegimen 150 azyq-túlik sebeti taratyldy.
«Jalpy búgin 300 sebet taratýdy josparlap otyrmyz. Eń birinshi kezekte múgedekterdi, kóp balaly jáne az qamtylǵan otbasylardy, jalǵyz qalǵan qarttardy qamtamasyz etemiz. Bir sebette 5 keli qant pen kúrish, 2,5 keli pechene, 1 keli un, 5 keli maı men makaron ónimi bar. Qazirgi ýaqytta bir sebetke 50 medıtsınalyq maska qosyp tarata bastadyq», - dedi Mádı Taıpın.
