Elordada kópbalaly otbasyǵa arendalyq baspana qansha jylǵa beriledi
«Kópbalaly analar máselesi kún tártibinen eshqashan túsken emes. Búgin birinshi kezeńdi bastadyq. Kópbalaly analardyń baspana máselesi eki jaǵdaı boıynsha sheshilýi kerek edi: jaldamaly úıge sertıfıkat berý jáne Turǵyn úı qurylys jınaq banki arqyly 2 paıyzben nesıege baspana satý. Nesıelik baspana boıynsha baǵdarlama erejesi bekitildi, biraq banktiń ishki qujattary daıyn emes. Bizdiń esebimizshe, bul baǵdarlama 17 maýsym men shildeniń basynda iske qosylýy kerek. 2% nesıelik baspana alatyn otbasy tabysyn kórsetýi tıis. Oǵan alǵashqy 10 paıyz jarna bolmaǵan jaǵdaıda ákimdikten 1 mln teńge kóleminde kómek alýǵa bolady. Bıyl ákimdik tarapynan 1 mln teńgelik 1 myń sertıfıkat ázirlendi», - dep atap ótti E. Qanalımov ákimdikte ótken baspasóz máslıhatynda.
Arendalyq baspana boıynsha bıyl kópbalaly otbasylarǵa 928 páter qarastyrylǵan. Birinshi kezeńde sonyń 150-i kezek basynda turǵan kópbalaly otbasylarǵa beriledi. Odan bólek, qosymsha 400 arendaldyq baspana ózge de az qamtylǵan otbasylarǵa bólingen.
«Bul sertıfıkatta arendalyq baspananyń mekenjaıy, berilgen kúni kórsetiledi. Birinshi kezeńde 15 shildeden 1 tamyzǵa deıin azamattar óz úılerýine kirýi kerek. Olar ákimdiktiń turǵyn úı qorymen bes jylǵa kelisimshart jasaıdy. Bul kelisimshartty ári qaraı sozýǵa bolady. ıAǵnı, eshkim bes jyldan keıin qýylmaıdy. Sozý úshin qaıta qujat tapsyrý kerek, ol úshin turǵyndardyń atynda ózge baspana bolmaýy tıis», - dep túsindirdi ákim orynbasary.
Aıta keteıik, elordalyq «Berekeli baspana» baǵdarlamasy aıasynda «Kópbalaly otbasy» sanatynda turǵyn úı kezeginde turǵandarǵa 150 páterge sertıfıkat berý bastaldy.
«Kópbalaly otbasy» sanatynda turǵyn úı kezeginde turǵandar Nur-Sultan qalasy ákimdiginiń «Turǵyn úı qory» kommýnaldyq memlekettik mekemesine (R.Qoshqarbaev kóshesi 39) júginýi tıis (baılanys nómiri: 79-34-50).
Búginde elordada 46 myń adam turǵyn úı kezeginde tur. Onyń 3 myńnan astamy - kópbalaly otbasy.
