Elordada konteıner jarylysynyń aldyn ala sebebi anyqtaldy

ASTANA. KAZINFORM — Taıaýda elordanyń eski vokzalynda konteıner jarylǵan edi. Qazir tótenshe jaǵdaıdyń mán-jaıy anyqtalyp jatyr.

жарылыс
Фото: ҚТЖ

— Konteıner jaryldy, ol Eýrodaq elinen jetkizildi. Qatelespesem, dızel generatory jarylǵan. Bastysy eshkim zardap shekpedi. Qazir oqıǵanyń mán-jaıy anyqtalyp jatyr, — dedi Kólik mınıstriniń orynbasary Talǵat Lastaev Úkimet otyrysynan keıin ótken baspasóz máslıhatynda.

Sondaı-aq vıtse-mınıstr tergeý amaldarynyń bir aıǵa sozylatynyn aıtty. 

Eske salaıyq, 14 aqpanda Astana vokzalynda júk konteıneri jaryldy.

Tótenshe oqıǵaǵa qatysty «Qazaqstan Temirjoly» ulttyq kompanııasy baspasóz qyzmeti resmı habarlama taratty.

— 2025 jyldyń 14 aqpany saǵat 00:30–da Astana stansasyndaǵy suryptaý jolynda júk konteınerinde dúmpý boldy. Buryn konteınerde júk — elektr jabdyqtary (transformatorlar, generatorlar) bolǵan. Qaza tapqandar men zardap shekkender joq, — dep jazylǵan aqparatta.

Іzin sýytpaı Astanadaǵy konteıner jarylysyna baılanysty qylmystyq is qozǵaldy.

Сейчас читают