Elordada «Konstıtýtsııa - qoǵam men memlekettiń áleýmettik jańǵyrýynyń negizi» konferentsııasy ótedi

ASTANA. 27 tamyz. QazAqparat - 30 tamyz kúni elordadaǵy Beıbitshilik jáne kelisim saraıynda Qazaqstan Respýblıkasynyń Konstıtýtsııa kúnine arnalǵan «Konstıtýtsııa - qoǵam men memlekettiń áleýmettik jańǵyrýynyń negizi» taqyrybynda halyqaralyq ǵylymı-tájirıbelik konferentsııasy ótedi,

dep habarlady QR Mádenıet jáne aqparat mınıstrliginiń baspasóz qyzmeti.

Alqaly jıyn jumysyna Elbasy N.Nazarbaev qatysady dep kútilýde. Sondaı-aq is-sharaǵa elimizdiń ortalyq memlekettik organdarynyń basshylary, bedeldi halyqaralyq uıymdar men quqyq qorǵaý ınstıtýttarynyń, konstıtýtsııalyq baqylaýdyń halyqaralyq organdarynyń, otandyq jáne sheteldik ǵylymı qaýmdastyqtardyń ókilderi qatysady.

Konferentsııany Konstıtýtsııalyq keńes, Adam quqyǵy jónindegi ýákildik, QR Bas prokýratýrasy, Quqyq arqyly demokratııa úshin eýropalyq komıssııasy, L.Gýmılev atyndaǵy Eýrazııa ulttyq ýnıversıteti, Ál-Farabı atyndaǵy Qazaq ulttyq ýnıversıteti uıymdastyrady.