Elordada konkýrdan Qazaqstan kýbogy máresine jetti
ASTANA. KAZINFORM – Elordada 20-22 maýsym aralyǵynda ótken elimizdiń at sporty kúntizbesindegi mańyzdy jarystardyń biri – konkýrdan Qazaqstan Respýblıkasynyń kýbogy aıaqtaldy.
Jarysqa Astana, Almaty, Shymkent qalalary men Almaty oblysynyń 30-dan astam sportshy qatysyp 120-dan 145 sm-ge deıingi alty baǵytta sheberlikterin kórsetti.
Úsh kúndik jarystyń absolıýtti jeńimpazdary:
B toby:
1 oryn – Bekjan Baıjanuly – Kıng Dıamand
2 oryn – Nýrıla Týrısbekova – Tsender de Reve
3 oryn – Jasulan Baıtaev – Keshmeıker jáne Malıka Serik – Mıkado
A toby:
1 oryn – Nýrıla Týrısbekova – Kıý Bel
2 oryn – Islam Islamov – Skarto II
Jyl saıyn uıymdastyrylatyn bul kezeń – sportshylardyń sheberlik deńgeıin arttyryp, myqtylardy anyqtaýǵa yqpal etedi. Sonymen qatar ulttyq quramaǵa irikteý kezeńderiniń mańyzdy bóligi sanalady.
Qazaqstan kýbogynyń júlde qory – 2 mıllıon teńgeni qurady. Jeńimpazdar men júldegerler kýboktar, dıplomdar jáne aqshalaı syılyqtarmen marapattaldy.
Eske sala keteıik, buǵan deıin Astanada konkýr boıynsha el kýbogy ótetinin jazǵan edik.