Elordada konkımen júgirý sportynan VI Qysqy Spartakıada ótip jatyr

ASTANA. KAZINFORM - Astana qalasyndaǵy «Alaý» muz aıdyny saraıynda konkımen júgirý sportynan VI Qysqy Spartakıada ótip jatyr, dep habarlaıdy elorda ákimdiginiń resmı saıty.

Tórt jyldyqtyń basty saıysyna 6 oblys pen 2 qaladan 80 sportshy qatysyp jatyr. Aıtýly básekede elordanyń atynan 23 sportshy baq synaıdy. 

Konkımen júgirýden Astana qalasynda VI Qysqy Spartakıadanyń alǵashqy jarys kúninde elordalyq sportshylar jaqsy nátıje kórsetip, jeńis tuǵyrynan kórindi.

Erler arasyndaǵy 500 jáne 1 000 metr qashyqtyqta elordalyq Altaı Jardembekuly kúmis júldeger atandy. 

Al, áıelder arasynda 500 jáne 1 000 metr qashyqtyqta Krıstına Sılaeva altynnan alqa taqsa, Darıa Vajenına 39.35 kórsetkishpen kúmis júlde enshiledi. Sonymen qatar, 3 000 jáne 1 000 metrlik qashyqtyqta áıelder arasynda Elızaveta Golýbeva altyn jáne kúmis júlde jeńip aldy. 5 000 metrlik qashyqtyqta taǵy bir otandasymyz Aldııar Tólegenov qola júldeger atandy.

Áıelder arasyndaǵy komandalyq jarysta elordalyq sportshylar kúmis júlde enshiledi. Komanda quramynda Eńlik Jardembekqyzy, Alına Dáýrenova, Dıana Bachýrına óner kórsetti. Komandalyq jarysta erler quramasy da kúmis júldeger atandy. Qurama sapynda Aldııar Tólegenov, Azamat Sátqoja jáne Baqdáýlet Saǵatov boldy.

Aıta keteıik, doda 28 naýryzǵa deıin «Alaý» muz aıdynynda jalǵasady. Kórermender úshin kirý tegin.