Elordada kóne zergerlik buıymdar kórmesi ashyldy
ASTANA. 16 qańtar. QazAqparat - Astanadaǵy Táýelsizdik saraıynyń «Qoldanbaly óner jáne etnografııa» galereıasynda QR Eńbek sińirgen qaıratkeri, belgili sýretshi-zerger Berik Álibaıdyń «Kıeli óner qoltańbasy» atty jeke kórmesi ótip jatyr, dep habarlady Astana qalasynyń resmı saıty.
Kórmege XII-HH ǵasyr aralyǵyndaǵy qolóner buıymdarynyń kóptegen kóne úlgi-nusqalary, atap aıtqanda, jez ben mystan jasalǵan zergerlik buıymdar, aǵashtan jasalǵan qolóner buıymdary kórmeden oryn alǵan. Sondaı-aq, munda qyz-kelinshekter men erlerge arnalǵan ulttyq kıimder de tabylady. Al, etnografııalyq qazynamyzdy osy kúnge ákelip, atadan balaǵa mıras etip kele jatqan Berik Álibaı búginde óz bilgenin shákirtterine úıretýde. Búginde onyń eńbekteri elimizde ǵana emes, Japonııa, Iran, Reseı, Túrkııa syndy shet memleketterge de keńinen tanymal.
