Elordada kompozıtor Muqan Tólebaevtyń 100 jyldyǵyna oraı «Birjan-Sara» operasy kórsetiledi
ASTANA. 6 qarasha. QazAqparat - 8 qarasha kúni «Astana Opera» memlekettik opera jáne balet teatrynda qazaqtyń kórnekti kompozıtory Muqan Tólebaevtyń 100 jyldyǵyna oraı onyń úzdik shyǵarmalarynyń biri «Birjan-Sara» operasy Reseıdiń eńbek sińirgen ártisi ıÝrıı Aleksandrovtyń qoıylymynda usynylady. Bul týraly astana.kz saıtyna «Astana Opera» memlekettik opera jáne balet teatrynyń baspasóz qyzmetinen habarlady.
Operanyń jańa mýzykalyq redaktsııasynyń avtory - Abzal Muhıtdınov. Basty partııalardy oryndaıtyndar - opera sahnasynyń juldyzdary Qazaqstan jáne Tatarstan Respýblıkalarynyń Halyq ártisi Nurjamal Úsenbaeva jáne Reseıdiń Eńbek sińirgen ártisi Ahmet Aǵadı. Altynaıdyń rólinde belgili opera ánshisi Jannat Baqtaı, Estaıdyń partııasyn Beıimbet Tańaryqov oryndaıdy.
Qoıýshy rejısser ıÝrıı Aleksandrov kórermen nazaryna «Birjan-Sara» operasynyń fınaly ózgertilgen jańa qoıylymdy usynady. Onda folklorlyq saryn ekinshi orynǵa qalyp, operany adam sezimi bıleıdi, sezim - búgingi zaman adamyna barynsha tanys qasıetter. Qoıýshy rejısserdiń alǵa qoıǵan basty mindeti - operany búgingi jas býynǵa túsinikti etip, birinshi kezekte, kórermenge jeke bas dramasy men máńgilik mahabbat ıdeıasyn jetkizý.
«Mýzykalyq teatrda men kisi ólimin múldem moıyndamaımyn, meniń oıymsha bul jerde basqa ólim, sol sebepti kisi ólimi ómirde, teatr syrtynda qala bersin. Biz qoıylym sońyn ózgertip, Birjandy ómirge ákelemiz, sebebi ónerdi óltirýge bolmaıdy dep esepteımin. Biz bir ózgeris engizdik: ekinshi akt kezindegi Birjan men Saranyń bir-birine ǵashyq ekeni anyqtalatyn dýetti sońyna qoıdyq», - deıdi ıÝnıı Aleksandrov.
