Elordada kommýnaldyq sharýashylyq kólikteri gazben júretin bolady

ASTANA. QazAqparat - Astana qalasy Tabıǵı resýrstar jáne tabıǵat paıdalanýdy retteý basqarmasynyń basshysy Ádilbek Sársembaev GEF/BUU DB halyqaralyq keńesshisi Irjı Zemanmen (Chehııa) jáne BUU DB-nyń ózge de ókilderimen ekijaqty yntymaqtastyq máselelerin sóz etti, dep habarlady astana.gov.kz.

Kezdesý barysynda sarapshylar BUUDB/Jahandyq ekologııalyq qordyń negizgi mıssııasy - Astana qalasynyń tómen kómirsýtekti damýynyń perspektıvalaryn talqylaýǵa, ásirese, qol qoıylǵan Shyǵys - qalalar merleri kelisimi aıasynda elordany damytýǵa basa nazar aýdardy. Sonymen qatar, Astana qalasynda energııatıimdiliktiń aımaqtyq qoryn qurý, «Astana qalasy úshin turaqty energetıkalyq damýdyń is-qımyldar josparyn» ózektendirý boıynsha GEF/BUUDB qoldaý kórsetý týraly usynystar jasaldy.

Kezdesý sońynda Irjı Zeman mýnıtsıpalıttermen tyǵyz jumys isteıtinin jáne Astanada júzege asyrylyp jatqan naqty jobalardyń bar ekenine qanaǵattanatynyn atap ótti. Mysaly, jeke turǵyn sektordaǵy úılerdi gazdandyrý jobasynyń JSQ (kómirden gazben jylytýǵa kóshý) ázirleıtin ınvestor bekitildi. Qazirgi tańda kommýnaldyq kásiporyndardyń avtokólikteri gaz-motorly otynǵa kóshirilip jatyr, bıyl 200 mashına gazben júretin boldy. 2015-2016 jyldary elordanyń kommýnaldyq sharýashylyǵynyń úsh myńǵa jýyq kóligi gaz-motorly otynǵa kóshirilmek. Jobany iske asyrý parnıkti gazdardyń aýaǵa taralýyn aıtarlyqtaı azaıtady.