Elordada kommýnaldyq qyzmetter kóshelerdi sý basýyna baılanysty kúsheıtilgen rejımge kóshti
ASTANA. QazAqparat - Qalalyq kommýnaldyq qyzmetter kúsheıtilgen rejımde jumys isteýde. Qazirgi kezde nóser saldary joıylyp jatyr. Elorda kóshelerine 90 mamandandyrylǵan tehnıka, sonyń ishinde «Esil» aýdany boıynsha - 40, «Almaty» aýdanynda - 27, «Saryarqa» aýdanynda - 19 mashına tartyldy. Munymen qosa, sý sorý jumystaryna eki jyljymaly sorǵy stantsııasy jumyldyryldy.
Bul týraly qalalyq ákimdiktiń baspasóz qyzmeti habarlady.
Kommýnaldyq qyzmetterdiń qyzmetkerleriniń aıtýynsha, taǵy da jańbyr jaýmasa, nóser saldary bir jarym saǵattyń ishinde joıylady.
Qala turǵyndarynan joldarda júrgizilip jatqan jumystarǵa oraı shydamdylyq tanytýdy suraımyz.
