Elordada kommýnaldyq qyzmet úshin túbirtekti onlaın alýǵa bolady

NUR-SULTAN. QazAqparat - Kommýnaldyq qyzmetter úshin túbirtektiń elektrondyq nusqasyn alýǵa bolady. Bul jaıynda Nur-Sultan qalasy ákiminiń orynbasary Malıka Bekturova Telegram paraqshasynda jazdy, dep habarlaıdy QazAqparat tilshisi.

«Keıde siz kireberistiń poshta jáshiginen kommýnaldyq qyzmetter úshin túbirtekti taba almaısyz. Endi onyń elektrondyq nusqasyn alý ońaı - @iQalakz_bot Telegram-botqa habarlasyńyz. Sizge «biryńǵaı tólem qujatyn alý» batyrmasyn tańdap, jeke shot nómirin kórsetý jetkilikti. Birneshe sekýnd ishinde túbirtek sizge sol terezede keledi», - dep jazdy ákim orynbasary.

Osy oraıda ol qazirgi kezde ortalyqtyń 131 qyzmetin onlaın rejıminde iqala.kz saıtynda «qyzmetter tizimi» bóliminen alýǵa bolady.

«www.iqala.kz portaly arqyly qajetti anyqtamalardy, málimetterdi jáne túbirtekterdi alyńyz», - dep naqtylady M. Bekturova.