Elordada kommýnaldyq qyzmetter táýlik boıy jumys istep jatyr
ASTANA. KAZINFORM — Astanada kommýnaldyq qyzmetter qar kúreý jumysyn táýlik boıy toqtaýsyz júrgizip jatyr. Bul týraly Astana qalasy ákimdiginiń baspasóz qyzmeti habarlady.
Elordada kommýnaldyq qyzmetter táýlik boıy qar kúreý jumysyn jalǵastyryp jatyr.
Qala turǵyndarynyń yńǵaıly jáne qaýipsiz júrýin qamtamasyz etý maqsatynda kóshe tazalaý jumysy úzdiksiz júrgizilip jatyr.
Qar kúreý jumysyna 1610 arnaıy tehnıka (arnaıy mashınalar, şetkaly traktorlar, sypyrǵysh tehnıkalar, qum sepkish, avtogreıderler) jáne 2682 jol jumysshysy jumyldyrylǵan.
Kommýnaldyq qyzmetter aldymen magıstraldyq kóshelerdi, áleýmettik nysandarǵa kireberis joldardy jáne aıaldama pavılondaryn qar men kóktaıǵaqtan tazartady.
5 qarashadan beri elorda aýmaǵynan 272 reıs arqyly 3,3 myń tekshe metrden astam qar shyǵarylǵan.
Qala kósheleri men trotýarlaryna turǵyndardyń qaýipsiz júrýin qamtamasyz etý úshin tehnıkalyq tuz sebiledi.
Qar alty arnaıy polıgonǵa jetkiziledi, olardyń barlyǵy beınebaqylaý kameralarymen jabdyqtalǵan jáne onlaın-monıtorıng júıesimen qadaǵalanady.
Aıta ketelik Astanadan eki kúnde 3000 tekshe metrden astam qar arnaıy polıgondarǵa shyǵaryldy.