Elordada kómirdiń tonnasy 12-14 myń teńge aralyǵynda saýdalanyp jatyr

ASTANA. QazAqparat - Astanada 11 qoıma bar, onda halyq úshin 14 kómir satý núktesi bar. Olar tıisti ınfraqurylymmen jáne tıeý-túsirý tehnıkasymen tolyq jabdyqtalǵan. Bul jerlerde 8 kompanııa-realızatorlar óz qyzmetin júzege asyrady, dep habarlaıdy QazAqparat qala ákimdiginiń resmı saıtyna silteme jasap.

Jylytý maýsymyna daıyndyq jáne ony ótkizý kezeńinde kómir satýshylardan 463 myń tonnadan astam kómir mólsherinde ótinim resimdeldi.

Otyn qory turaqty negizde tolyqtyrylyp otyrady.

Baǵa ósimine jol bermeý maqsatynda tamyz aıynda barlyq kompanııalarmen kómir qunyn bekitý týraly tıisti memorandým jasaldy.

109 nómiri boıynsha «Qaýyrt jeli» jumys isteıdi, onda tuıyqttaǵy kómirdiń qory, baǵasy jáne bar-joǵyn bilýge bolady.

Búgingi tańda kómirdiń ortasha baǵasy ótken jyldyń deńgeıinde:

Shubarkól - tonnasyna 13 800 tg;

Qarajyra - tonnasyna 14 500 tg;

Maıkóbe - tonnasyna 12 700 tg.

Eske sala keteıik, elordada qalany gazdandyrý jumystary jalǵasýda. Eki aýdan - Almaty jáne Saryarqa aýdandary - úılerdi gazǵa qosý múmkindigimen tolyq qamtamasyz etildi.

Olar: Kóktal-1, Kóktal-2, Agrogorodok, «Jeleznodorojnyı», Promyshlennyı, Ońtústik-Shyǵys, oń jaǵy, Ońtústik-Shyǵys sol jaǵy, Kúıgenjar, Mıchýrıno, Internatsıonalnyı kósheleri, sondaı-aq Potanın kóshesindegi qalanyń eski bóligi.

680 km astam gazben jabdyqtaý jelileriniń qurylysy aıaqtaldy, kvartalishilik jeliler tartyldy. Gazǵa 5,7 myńnan astam úı qosylǵan.

Qalǵan aýdandar - Baıqońyr jáne Esilde gaz qubyryn tartý jumystary júrgizilýde (kvartalishilik jeliler - 2023 jyly).

Foto: Astana q. ákimdiginiń baspasóz qyzmeti