Elordada kómir tıelgen 7 vagon relsten shyǵyp ketti
ASTANA. 25 jeltoqsan. QazAqparat - Elordada kómir tıelgen 7 vagon relsten shyǵyp ketti. Bul aqparatty QR Tótenshe jaǵdaılar mınıstrliginiń baspasóz qyzmeti habarlap otyr.
Vedomstvonyń atap ótýinshe, tótenshe oqıǵa juma kúni saǵat 12-de Saryarqa aýdanyna qarasty Astana stansysynda oryn alǵan. Qaraǵandy-Astana baǵytynda kele jatqan №2811 júk quramasynyń joldan shyǵyp ketken 7 vagonynyń 3-eýi aýdarylǵan.
TJM aqparatyna sáıkes qaza tapqandar men zardap shekkender joq. Sonymen qatar bul apat jolaýshylar poıyzynyń qozǵalysyna esh kedergi keltirmegen.
«Saǵat 20-15-te qalpyna keltirý-jóndeý jumystary tolyǵymen aıaqtaldy», - delingen baspasóz habarlamasynda.
Tótenshe jaǵdaıdy joıýǵa QR TJM Astana qalalyq tótenshe jaǵdaılar departamenti jeke quramynyń 3 mamany men 1 tehnıkasy jáne Astana stansysynyń qalpyna keltirý poıyzy jumyldyryldy.
