Elordada «Qoljetimdi baspana-2020» baǵdarlamasy boıynsha salynǵan kóppáterli turǵyn úı paıdalanýǵa berildi

ASTANA. QazAqparat - Astanada «Qoljetimdi baspana-2020» memlekettik baǵdarlamasy aıasynda Seıfýllın, Beısekov kósheleriniń qıylysynda ornalasqan kóppáterli turǵyn úıdiń qurylysy aıaqtalyp, paıdalanýǵa berildi. Bul týraly Astana qalasy ákiminiń apparaty baspasóz qyzmetinen habarlady.

Seıfýllın kóshesi, 22, 23/2 mekenjaıy boıynsha ornalasqan keshenniń jalpy páter sany - 198, onyń 74-i bir, 88-i eki, 16-sy tórt bólmeli.

Búgingi tańda úıdiń qujattary daıyndalý ústinde. Baspana satyp alýshylar men jalǵa alýshylar pýlynyń qatysýshylary tólem qabilettigin qaıta rastaý úshin Turǵyn úı qurylys jınaq bankine qujattar tapsyrý aıaqtaldy.

Astana qalasynyń Turǵyn úı basqarmasy bankten tólem qabilettiligin rastaǵan Baǵdarlama qatysýshylarynyń tizimin alǵannan keıin olardy satyp alý-satý kelisimin jasaý úshin shaqyrady.

joldap otyrady. Atalǵan vedomstvo, ony Astana qalasynyń Ádilet departamentinde tirkeý úshin tólem qabilettiligin rastaǵan Baǵdarlama qatysýshylaryn shaqyrady. Kelisimder Ádilet departamentinde tirkelgen soń nesıeleý protsedýrasynan ótkizý úshin bankke jiberiledi.

Eske salaıyq, osy jyldyń jazynda Jumabaev dańǵyly men Qordaı kósheleriniń arasynda Aınakól kóshesinde ornalasqan kóppáterli turǵyn úı kesheni paıdalanýǵa berilgen bolatyn.

Sonymen qatar, Astanada «Qoljetimdi turǵyn úı - 2020» baǵdarlamasy aıasynda 2014 jyly Brýsılovskıı, Imanov jáne Jubanov kósheleriniń qıylysynda 272 páterlik turǵyn úı kesheniniń qurylysy bastalyp, ony 2015 jyly aıaqtaý josparlanǵan.