Elordada kolledj stýdentteri ekinshi semestrden bastap aralas formatta oqıdy
NUR-SULTAN. QazAqparat – Ekinshi semestrden bastap elordadaǵy kásiptik jáne tehnıkalyq bilim berý uıymdaryndaǵy 1 kýrstyń 8223 stýdentin aralas formatta oqytý josparlanyp otyr. ıAǵnı, pánderdiń 70%-y shtattyq rejımde, 30%-y qashyqtyq rejımde oqytylady. Bul týraly Nur-Sultan qalalyq bilim basqarmasynyń basshysy Sholpan Qadyrova tolyǵyraq aıtyp berdi, dep habarlaıdy QazAqparat tilshisi.
Onyń aıtýynsha kolledjderdiń 100%-y bilim berýdiń aqparattyq resýrstarynda jumys isteıdi.
«Shtattyq rejımde 15 stýdentten aspaıtyn shaǵyn toptar oqytylady. Bul rette aýdıtorııanyń tolymdylyǵy 50%-dan aspaýy kerek. Shtattyq rejımde praktıkalyq jáne zerthanalyq sabaqtar (fızıka, hımııa, matematıka jáne t.b.), qashyqtyqtan oqytý rejıminde - tarıh, qazaq, orys jáne aǵylshyn tilderi, ózin-ózi taný, mádenıettaný, áleýmettaný pánderi boıynsha dáris sabaqtary ótkiziledi», - dedi basqarma basshysy elorda ákimdiginde ótken baspasóz máslıhatynda.
Óndiristik oqytý jáne kásiptik praktıka, zerthanalyq jumystar jáne praktıkalyq sabaqtar tolyq nemese ishinara kásiporyndar bazasynda nemese tehnıkalyq jáne kásiptik bilim berý uıymdarynda (mamandyqtardyń ereksheligine baılanysty) shaǵyn toptarda qashyqtyqty saqtaı otyryp júrgiziledi.
Aralas formatta oqytýdy uıymdastyrý kezinde:
- aýdıtorııalyq dáristerdiń kestesi olardyń bastalý jáne aıaqtalý ýaqyty kórsetilip jeke jasalady;
- aýdıtorııadaǵy dárister keminde 1,5 metr qashyqtyqty jáne betperde rejımin saqtaı otyryp júrgiziledi;
- sabaqtar arasyndaǵy úzilis árbir top úshin jeke uıymdastyrylady;
- kitap úlestirý jónindegi jumysty qospaǵanda, kitaphanalardaǵy oqý zaldary jabylady;
- sanıtarııalyq-gıgıenalyq talaptardy saqtaý týraly stýdentterge, pedagogterge, óndiristik oqytý sheberlerine, ata-analarǵa nusqaýlyq júrgiziledi;
- medıtsına qyzmetkeri kún saıyn stýdentter men basqa da qyzmetkerlerdiń densaýlyǵyna baqylaý júrgizedi.
Basqarma basshysy sonymen qatar stýdentterdi jataqhanadaǵy orynmen qamtamasyz etý máselesi qaladaǵy 2 693 orynǵa arnalǵan 15 jataqhana esebinen sheshiletinin málim etti. Orynǵa muqtaj 1281 stýdent jataqhanamen qamtamasyz etiledi.
