Elordada kólik basqaryp kele jatqan júrgizýshi kenetten qaıtys boldy

ASTANA. KAZINFORM — Astana turǵyny kenetten ózin jaısyz sezinip kólikte ómirden ozdy. Bul aqparatty qalalyq polıtsııa departamentiniń baspasóz qyzmeti rastady. 

— Aldyn ala málimet boıynsha, jeńil avtokólik júrgizýshisi Toqpanov kóshesimen Sharl de Goll kóshesine qaraı baǵyt alyp kele jatyp, kenet ózin nashar sezinip, kólikti basqara almaı qalǵan. Oqıǵa saldarynan júrgizýshi oqıǵa ornynda kóz jumdy, — degen habar aldyq polıtsııa departamentinen. 

Atalǵan fakt boıynsha qylmystyq is qozǵaldy. 

— Oqıǵa ornyna jedel-tergeý toby jetti. Qazir tergeý bastaldy, oqıǵanyń mán-jaıy anyqtalyp jatyr, — delingen habarlamada.

Buǵan deıin elordada serýen joly opyrylyp túsip, boıjetken zardap shekkeni týraly jazǵan edik.