Elordada kólik baǵanǵa soǵylyp, júrgizýshi mert boldy

ASTANA. KAZINFORM — Búgin elordada Chery Tiggo kóligi kóshe jaryq shamy baǵanyna soǵylyp, júrgizýshi mert boldy. Bul aqparatty Astana qalalyq polıtsııa departamenti rastady. 

— Chery Tiggo avtomobıliniń júrgizýshisi Kereı-Jánibek handar kóshesimen kele jatyp, Qabanbaı batyr dańǵylymen qıylysta rólge ıe bola almaı kóshe jaryq shamy baǵanyna soǵyldy. Sonyń saldarynan avtomobıl aýdarylyp qaldy, — dep atap ótti departamentten.

Usynylǵan málimetke qaraǵanda, kólik júrgizýshisi alǵan jaraqatynan oqıǵa ornynda mert bolǵan.

— Jol-kólik oqıǵasy faktisi boıynsha qylmystyq is qozǵalyp, tekserý júrgizilip jatyr, — dedi vedomstvodan. 

Taıaýda mas kúıinde jol-kólik apatyna ushyraǵan astanalyq 4 jylǵa sottaldy.