Elordada kólikti mas kúıinde júrgizgen áıel ustaldy

NUR-SULTAN. QazAqparat – Elordada polıtseıler kólikti mas kúıinde basqarǵan áıel adamdy ustady, dep habarlaıdy QazAqparat tilshisi.

«Qaýipsiz jol» jedel aldyn alý is-sharasyn ótkizý kezinde polıtseıler túngi ýaqytta «Shevrole Krýz» markaly kóligin toqtatqan. Tekserý kezinde 34 jastaǵy áıel adamnyń alkogoldik ishimdikke masaıǵan baıqaǵan. Júrgizýshi sot qaýlysymen 15 táýlikke ákimshilik qamaýǵa alyndy. Sonymen qatar ol 8 jylǵa kólik basqarý kýáliginen aıyryldy», - delingen polıtsııa departamenti málimetinde.

Aıta keteıik, «Qaýipsiz jol» jedel aldyn alý is-sharasy bastalǵaly elordada jol júrý erejesin buzýdyń 6,5 myńǵa tarta faktisi anyqtaldy. Onyń ishinde qoǵamdyq kóliktiń 61 júrgizýshisi ereje buzǵan, 220 adam kólikti basqarý kezinde telefonmen sóılesken, 629 adam qaýpsizdik beldigin taqpaǵan. Sondaı-aq kólikke mas kúıinde otyrǵan 65 júrgizýshi ustaldy.

Jol qaýipsizdigin kúsheıtý maqsatynda, 8-17 qarasha aralyǵynda qala aýmaǵynda «Qaýipsiz jol» respýblıkalyq jedel aldyn alý is-sharasy ótkizilýde.