Elordada kólikterge pyshaq ala júgirgen mas jigit ustaldy
NUR-SULTAN. QazAqparat – Elordada ótip bara jatqan kólikterge pyshaq laqtyrǵan mas adam ustaldy, dep habarlaıdy QazAqparat.
8 maýsym kúni túngi saǵat 03.47-de pyshaq ustaǵan er adam Abaı dańǵyly men ıAnýshkeevıch kóshesi qıylysyndaǵy jedel basqarma ortalyǵynyń beınebaqylaý kamerasyna túsip qalǵan.
Jigit jol boıymen kele jatyp, pyshaqty qaırap, avtokólikke ala júgirgen. JBO qyzmetkerleri osy mekenjaıǵa dereý avtopatrýl jiberdi.
Oqıǵa ornyna jetken polıtsııa qyzmetkerleri onyń pyshaǵyn alyp, Baıqońyr aýdandyq polıtsııa bólimine jetkizdi. Ol 29 jastaǵy qala turǵyny bolyp shyqty. Oqıǵa ornynan pyshaq pen qaıraq alyndy.
Atalǵan fakti boıynsha QR QK 293-baby boıynsha sotqa deıingi tergeý júrip jatyr.
