Elordada kólikterge avtobýs jolaǵymen júrýge ruqsat berilýi múmkin
NUR-SULTAN. QazAqparat – Astanada keptelis kóp bolatyn kezeńderden tys ýaqytta kólikterge avtobýs jolaǵymen júrýge ruqsat berilýi múmkin. Bul týraly «City Transportation Systems» kompanııasy óziniń Іnstagram-daǵy resmı paraqshasynda jazdy, dep habarlaıdy QazAqparat tilshisi.
«Elordada Bus Lane boıynsha jol qozǵalysynyń barlyq qatysýshylaryna qarbalas saǵattardan tys ýaqytta júrýge ruqsat berý máselesi qarastyrylýda. Biraq munymen birge avtobýstardy kútý ýaqyty edáýir artatynyn eskerý qajet. Búgin elordanyń 27 kóshe ýchaskesinde jalpy uzyndyǵy 72,4 shaqyrym bolatyn Bus Lane iske qosylǵan. Bus Lane arqyly qoǵamdyq kólik qozǵalysynyń tıimdiligi 25 paıyzǵa artty jáne jol júrý ýaqyty 10 mınýtqa qysqardy», - dep málimdedi CTS óziniń áleýmettik jelidegi paraqshasynda.
Aıta ketsek, buǵan deıin elordaǵa taǵy 100 elektroavtobýs jetkiziletinin habarlap edik.
